kawruh basa jawa

KAWRUH BASA

Busananing basa, yaiku kabeh ube rampe basa amrih dadi lan endahe. Kang kelebu busanananing.

Basa, yaiku garban, bebasan-paribasan, sanepa, wangsalan, yogyaswara, saroja, purwakanthi, entar, saloka, parikan, dasanama, rura-basa, keretabasa.

1.      Garban, yaiku tembung 2 utawa luwh kang di gandeng, cacahing wanda suda nanging tegese esih ajeg.
tuladha: sarwa endah à sarwendah

2.      Bebasan-pribasan, yaiku ungel-ungelan kang ajeg panganggone anggone awujud ukara wantah, dadi dudu pepindahan (upama)
tuladha: negar mawa tata desa mawa cara à tata cara iku manut panggonane dhewe-dhewe.

3.      Sanepa, yaiku lambing, karepe kanggo mbangkitake tegese
tuladha: awak kuru semangka à lemu

4.      Wangsalan, yaiku bangsane cangkriman, ebusane kasebut ing ukara candhake, dadi ora melok
tuladha: ngrokok cendhak senengane neges-neges à tegesan

5.      Yogyaswara, yaiku tembung-tembung kang kaya pada swarane, ateges lanang-wadon
tuladha: putra-putri

6.      Saroja, yaiku tembung rangkep, dadi pada tegese. Gunane kanggo mbangetake tegese
tuladha: tindak-tanduk

7.      Purwakanthi, yaiku runtutung swara
tuladha: sluman slumun slamet

8.      Entar, yaiku tembung kang tegese ora wantah, nanging tegese silihan
tuladha: kethul pikirane à bodho

9.      Saloka, yaiku ungel-ungelan kang ajeg panganggone kang sinamun upama (pepindahan)
tuladha: gupak pulute ora mangan nangkane à melu rekasa ora ngrasakake asile

10.  Parikan, yaiku kang memper pantun (Indonesia) mawa purwaka lan isi (sampiran la nisi), guru lagune ab ab
tuladha: abang-abang ora legi tiwas dagang ora dadi

11.  Dasanama, yaiku tembung-tembung kawi kang pada tegese (10 nama)
tuladha: srengenge à rawi, diwangkara, bagaskara, bagaspati, prangatapati, radite, arka, aruma, baskara

12.  Rura-basa, yaiku tembung-tembung kang rusak, salah kaprah
tuladha: nggodog wedang, nguleg sambel

13.  Keretabasa, yaiku cara negesi tembung kang mung nggotak-nggatukake tembung arih cocoge
tuladha: kerikil à keri ing sikil
              garwa à sugaring nyawa